Косопственикот на битолски „Еко клуб“, Сашо Јанакиевски повеќе не е почесен конзул на Унгарија во Македонија. До прекин на функцијата што ја извршуваше од 2012 година дојде по избивање на аферата со третман на медицински отпад во погон на компанијата што се наоѓа во просториите на „Металски завод“ во Скопје, пишува „Слободен печат“.
Ова е одлука на унгарското Министерство за надворешни работи од каде испратиле нота до македонското МНР со напомена дека стапува во сила веднаш.
Аферата со несоодветен третман на медицински отпад во „Еко клуб“ и негов трансфер до депонијата „Дрисла“ ја откри Нова ТВ по што и Град Скопје се огласи со прес-конференција на која објави видео и фотографии од начинот на обработка и уништување на отпадот.
