Предлогот со кој претседателот на ВМРО-ДПМНЕ влезе вчера на средба со пратениците и раководството на партијата очигледно не понинал кај мнозинството од присутните.
Опозициската партија на овој состанок не донела одлука за напуштање на Собранието, а во денешното соопштение велат само дека партијата ќе го следи развојот на настаните.
„Интерес на граѓаните е правна држава, почитување на законите, Уставот и спречување на оваа политичка агресија на власта, преку носење на закони како тој за марихуана кои имаат единствена цел, богатење на семејството Заеви. Избори на 12 април, а потоа одговорност за криминалот, корупцијата, срамот и понижувањата. ВМРО-ДПМНЕ ќе го следи развојот на ситуацијата и ќе реагира во одбрана на демократијата, интересите на граѓаните и државата”, беше заклучокот на седницата на ИК.
Идејата за напуштање на Собранието прв ја лансираше Претседателот на ВМРО-ДПМНЕ, Христијан Мицкоски, кој пред пред да влезе на состанокот на Извршниот Комитет изјави дека” лично не гледа логика пратениците да останат во Собранието”, но додаде дека одлуките ќе се носат на состанокот на ИК.
А. Зеќири
