Покрај трите деца од основното училиште Владо Тасевски во Козле, кои се во домашна изолација зашто родителите биле присутни на симпозиумот кој се одржа во Рагуза во саботата, а каде била присутна и заразената од коронавирус директорка на Клиниката за кожни и венерични болести, Слободен печат дознава, дека и две деца од основното училиште Братство, исто така се ставени во домашен карантин од истата причина.
И нивните родители биле во Рагуза на симпозиумот. Од родители во Карпош дознаваме дека некои родители самоиницијативно си ги повлекуваат децата од настава, им се јавуваат да си дојдат дома и да не седат на часови.
Децата се превентивно ставени во карантин. Општина Карпош има формирано комисија што е во комуникација со Министерството за здравство и со Центарот за јавно здравје. -Ова е родителска паника и природен човечки инстинкт. Се јавуват, прашуваат – ни рече градоналникот на Карпош, Стефан Богоев.
Во текот на денешниот ден ќе има насока дали ќе се донесе одлука за престанок на наставата во основните и средните училишта или не.
