Нови моменти од случајот со 25 заглавени македонски државјани на аеродром во Барселона. Еден од заглавените патници кој нè извести дека авикомпанијата „Туркиш еарлајнс“ одбила да ги прими во своето летало 25 македонски државјани и покрај тоа што сите имале уредни билети, сега јавува дека ги контактирале од Агенцијата „Коузон“ од каде што биле и резертвирани билетите и им обезбедиле нов лет вечерва: Барселона-Мадрид-Софија.
Заглавените патници се задоволни од брзата реакција на агенцијата „Коузон“ и велат дека вината ја гледаат во „Туркиш еарлајнс“, зашто како што велат, за турските државјани немало никаков проблем да се качат во авионот, а на 25 македонски не им било дозволено.
Останува и понатаму да го следиме текот на настанитре со оглед на тоа што Бугарија пак има забрана за влез на патници кои доаѓаат од високо ризичните држави поради корона вирусот, а Шпанија од неодамна е токму во таа категорија на држави.
Ј. Ѓ.
ПОВРЗАНО: 25 македонски државјани заглавени на аеродром во Барселона
ПОВРЗАНО: (16.3.2020) Сите македонски државјани безбедно се вратени во Македонија, се во добра здравствена состојба и од надлежните погранични власти и медицински тимови добиле наредба за самоизолација.
