Димче Арсовски, портпаролот на ВМРО-ДПМНЕ вчера се обиде да манипулира со јавоста и преку својот Фејсбик профил објави дека е паднат кровот на мобилната болница што се постави до Клинички центар на местото од поранешните бараки на Медицинар. Притоа Арсовски покажува фотографија од која јасно се гледа дека всушност нема паднат покрив. „Снегот ги изненади надлежните” – веќе чуена фраза, ама барем да го тргневте од полскава болница, паднат и е кровот, луѓе не можат да шетаат внатре…“, пишува Арсовски на Фејсбук.
Манипулацијата со „паднатиот кров“ ја преземаат и објавуваат неколку портали и телевизии и експресно брзо се шири на социјалните мрежи. Во овој случај посебно е интересно тоа што од приложената фотографија на Арсовски, сите јасно можат да видат дека не се работи за паднат кров, туку дека снегот кој обилно паѓал во утринските часови го натежнале кровот на шаторите.
Со реакција за таквата манипулација одма се јави градоначалникот на Скопје, Петре Шилегов, кој приложи фотографии за да се виде во каква ситуација е мобилната болница и кој вели дека фотографијата која ја постирал Арсовски е снимена во раните утрински часови. Шилегов вели дека комуналните служби задолжени за одржување на болницата си ја завршиле својата работа и како што може да се види од фотографијата навремено го отстраниле снегот од и околу објектот.
Шилегов вели дека објектот е во финале на завршување, дека се зацврстени и последните два шатори (така помпезно опишани дека пропаднале), се прави приклучокот на електрична енергија и ќе биде пуштено и греењето.
„Навистина не знам, дали и колку има човечност и зошто определени „ликови” во дел од политичките структури, упорно се обидуваат да профитираат со политикантство во услови на вонредна состојба. Драги “душегрижници”, болницата која што заеднички ја подигнаа Министерството за Одбрана, Министерството за Здравство и Град Скопје, како што гледате е во совршено добра состојба.“ пишува градоначалникот Шилегов.
Она на што треба да обрнеме посебно внимание е тоа што безмалку сите се повикуваат дека тоа е вест што е објавена на портали и телевизии, а речиси никој не кажува дека оваа манипулација е првично објаена од портпарол на политичка партија. И не е прв пат истакнати членови од ВМРО-ДПМНЕ да објавувааат лажни вести, манипулации, полуиниформации и шпекулации кои ги замаат речиси секогаш исти портали, телевизии и потоа се шират на социјалните мрежи.
Ј. Ѓорѓиоски
