Азискиот регион нема да оствари економски раст првпат од шеесеттите години од минатиот век, изјави Чанг Џонг Ре од Азиско-пацифичкиот оддел на Меѓународниот монетарен фонд.
Ре истакна дека Азија сепак ќе помине подобро од другите региони, но факторите што ќе ја влошат надворешната побарувачка во Европа и Северна Америка, каде се очекува сериозна рецесија, ќе ја нарушат еконимијата во Азија.
Запирање на растот на брзорастечката азиска економија поради пандемијата на коронавирусот е далеку поголемо отколку во време на светската финансиска криза во 2008 и 2009 година и падот на азиската економија во 1997 и 1998 година, известуваат од ММФ.
Од коронавирусот досега се починати повеќе од 135.000 луѓе ширум светот, а владите беа принудени да воведат мерки со кои ќе запре трговијата и ја предизвика најголемата криза во Азија досега, истакна Ре
Економскиот раст во најголемата азиска еконимија, Кина, каде започна пандемијата кон крајот на 2019 година, ќе се намали од 6,1 проценти во 2019 година на 1,2 проценти оваа година, очекува ММФ.
Економиите што зависат од трговијата со Кина, како Австралија и Малезија, веројатно ќе доживеат остри рецесии, со намалување на активностите за 6.7 проценти односно 1.7 проценти.
Исто така, факторите како пад на туризмот, нарушување на трговијата и производството, дополнително ќе го отежнат економскиот раст, проценуваат од ММФ.
Втората најголема азиска економија, Јапонија, би можела да ги намали активностите за 5,2 проценти, аТајланд, каде туризмот учествува со околу 10 проценти во бруто домашниот производ, ќе се соочи со пад од 6,7 проценти, очекува ММФ. (МИА)
