Ова е искуство, освен за оние што ќе протестираат – за нив е тресење зелени

Ова подолу напишаново е искуство. Освен за оние што ќе протестираат. За нив веројатно е тресење зелени, напиша Денис Јанкуловски на својот Фејсбук профил. Јанкуловски секојдневно зема брисеви за Ковид- 19.

Утро, негде околу 8 саат.
Почнуваш со процедурата: ставаш маска, ракавици 3 пара, скафандер. Проверуваш стопати дали си како што треба облечен. Проверуваш уште стопати дали имаш се што ти треба.
Влегуваш во кола и одиш на дестинација.

Кој стан? 24. Спрат? Петти. Лифт имате? Не. Јбг Пиги 🙁
Доаѓаш пред зграда, внимателно излегуваш од кола, се доопремуваш со визир /заштитни наочари, проверуваш 45 пати дали е се како што треба за твоја заштита. Ок.

Одиш пешки на петти спрат, колената ти се крш, ама тие сега не се ни под точка разно. Стигаш пред вратата со замаглен визир, ти треба некоја минута да земеш воздух. Ок, ѓможе.
Ѕвониш. Отвара девојка на 30-тина години, гледаш дека не е баш океј.

Како сте? Лошо, се ме боли, имам 2-3 дена температура, цела снага ми е лом, секое ковче ме боли. Добро што дојдовте, да видиме дали е вирусов па да знаеме што понатаму. Можеби и на Инфективна ќе треба да одам. (ја гледам девојкава, измачена, тешко се движи, ликот и е уморен, со насолзени очи ама се труди и максимално соработува)

Ајде, викаме со колегата, ќе помине сè, па и да треба да одиш на клиника, секогаш е подобро за се кога си на лице место а таму персоналот е одличен, ама дај боже да не е коронава.

Се враќаме во колата со максимална концентрација за протоколот, секој чекор е и тоа како битно да не биде згрешено. Во мислите нѝ е девојката.

Не знам што бидна со неа, цело време држам палци, се надевам дека е во најдобар ред и дека ќе го чита ова. Искрено посакувам да видам некој нов непознат like, а ќе знам ако е таа ❤️??