На денешната седница на Владата, е донесен Протоколот за работа на угостителски објекти за сместување (хотели и други угостителски објекти за сместување), и тој започнува да важи од понеделник, 22 јуни, оваа година.
Протоколот ги уредува процедурите за хотелско-сместувачкиот дел на објектите, потоа препораките и мерките за прием и сместување на гостите, ресторанските процедури, употребата на тоалетите, како и препораките за гостите и за постапување при појава на случај со симптоми на КОВИД-19, соопшти владината прес-служба..
Владата денеска го утврди и го донесе и Протоколот за работа на базените за пливачките клубови, кој утврдува дека базените се отвораат само за членови на пливачките клубови, а не и за рекреативно пливање.
