Премиерот Оливер Спасовски во Крушево го посети вечното почивалиште на нашиот Тоше Проески и положи цвеќе во знак на почит кон делото на Тоше.
Многу скоро, до крајот на летото, овде на Гумење ќе биде достојно уредено и завршено спомен обележјето на вечното почивалиште на нашиот голем сограѓанин и интернационално прифатен естраден уметник – Тоше Проески, како наша должна почит.
Владата на Република Северна Македонија, предводена од СДСМ, минатата година додели 10 милиони денари за да се реализира идејното решение, додека претходната владина гарнитура на ВМРО-ДПМНЕ непотребно ја бирократизираше и ја оддолжи постапката за изградба и залудно беа изгубени средствата предвидени за таа намена.
Сега се изведуваат завршните работи и наскоро првенствено неговото семејство, а потоа и неговите фанови ќе можат да се поклонат пред неговото вечно почивалиште кое како симбол ја одразува големата религиозност на Тоше Проески и вербата во Бог која тој ја споделуваше и преку неговата музика, но и како спомен во негова чест, спомен на благородната душа која со своите постапки и со своите песни обележа цела една епоха од нашето културно и естрадно творештво, и беше амбасадорот на нашата земја и на неговото Крушево во светот, вели Спасовски во пост на Фејсбук по посетата на грбот на Тоше Проески.
