Француската уметничка Дебора де Робертис е казнета од судските власти затоа што позирала гола при свој уметнички акт во 2018 година. Казната е парична и изнесува 2.000 евра.
На 31 август 2018 година, уметницата, којашто има и француско и луксембуршко државјанство, се појави гола, покриена само со сина наметка преку главата и споени раце како за молитва, пред влезот на Светилиштето на Нашата Богородица во Лурде. При перформасот, Де Робертис ја имитирала статуата на Дева Марија, која се наоѓа во познатата пештера, каде што според преданијата, Богородица 1858 година се појавила пред Бернадет Субиру.
Во Светилиштето се поклонуваат католици од цел свет.
Поклониците кои во тој миг се нашле во Светилиштето, биле згрозени, според нивни сведоштва. Некои повикале полиција, а некои побрзале да ѝ наметнат облека на артистката.
Провокативната уметница го привлече вниманието на јавноста и пред неколку години. Де Робертис во парискиот Лувр извела сличен перформанс кога се соблекла, ги раширила своите нозе и викала “Моја вагина, мои права”.
Де Робертис тогаш била обвинета за сексуален егзибиционизам, но обвиненијата биле отфрлени, а таа добила само 35 часа добротворна работа како казна бидејќи гризнала член на обезбедувањето кога тој пробал да ја исфрли надвор.
Deborah-de-Robertis-extrait from Ontheart on Vimeo.
Ј. Ѓ.
