Претседателот на Белорусија Александар Лукашенко ги негираше извештаите дека избегал од земјата по масовните протести против неговото авторитарно владеење, јави локалната новинска агенција „Белта“.
Прво на сите би сакал да им кажам дека сè уште сум жив, и не сум во странство, спротивно на она што го велат нашите националисти. Денеска е 14 август и ние сме тука да разговараме за работата на градежната индустрија, изјавил тој.
Лукашенко ги коментираше обидите за зголемени тензии меѓу работниците во државата и предупреди дека штрајковите ќе имаат уништувачки ефект врз локалните компании во иднина.
VIDEO: ?? Workers at the largest car factory in #Belarus — in the capital #Minsk — hold a strike as they protest against President Alexander Lukashenko’s re-election and the ensuing brutal police crackdown pic.twitter.com/UbS5pQL7Tz
— AFP news agency (@AFP) August 14, 2020
Министрите за надворешни работи на земјите членки на ЕУ денеска ќе разговараат за ситуацијата во Белорусија, а дел од нив повикуваат на санкции против режимот на Лукашенко.
Во исто време, главниот противник на белорускиот лидер на претседателските избори Светлана Тихановскаја повика на масовни, но мирни демонстрации во земјата во текот на викендот./МИА/