пишува Арбен Зеќири
Не е точно дека нема реформи во ВМРО-ДПМНЕ. Денеска, на седницата за избор на нова Влада се убедив дека работите се промениле.
Со сите скандали, корупциски афери, прислушкувања, монтирани судски процеси, претходниот пратенички состав на ВМРО-ДПМНЕ имаше и една група пратеници кои подготвени, со материјали и куп хартија влегуваа на седниците во Собрание. На секое обвинување на тогашната опозиција, актуелната власт им одговараше содржински, со цитати, бранеа и критикуваа проекти и идеи, коментираа конкретни ситуации и работи. Дури одеа толку далеку што денешното СДСМ го критикуваа и за начинот на владеење на Бранко Црвенковски.
Што имаме денеска? Повеќе од два часа македонската опозиција ги потроши со навреди, потценувања и лични дискфалификации. „Рекеташу, мафијаши, лажговци”, а најновиот опозиционер Димитар Апасиев се префрли и на „педери” и предавници. На најважната седница каде мандатарот ја презентираше програмата не слушавме ни збор за тоа каква е содржината, какви се проекциите, дали проектите се остварливи, дали нешто може да биде или не може да биде. Слушнавме само како им е скратен продолжениот викенд и дека два дена им биле малку да прочитаат 54 страници, колку што изнесува предлог -програмата на Владата.
Начинот на функционирање на новиот состав на ВМРО-ДПМНЕ и нивната реторика не беше ни блиску до претходните состави, а веќе нема постор ни да замислуваат да се повикаат на хероите на ВМРО во чие име се повикуваат денешните ДММНЕ-вци. Затоа, ако со предходните состави, СДСМ се мачеше, требаше да биде секогаш спремна, можеби се чуствуваше и загрозена (без разлика на алатките кои тие ги користеа за да добијат гласови), во иднина СДСМ не само што изгледа сигурна во својата победа, туку најверојатно ќе нема потреба ни за кампања. Не дека знаеме дека ќе работат, (не ни е ниту дозволено однапред да знаеме и да биде сигурни, туку да бидеме будни, да ја следиме и коригираме, да не ја оставаме раат), туку разликата меѓу нив и опозицијата во аспект на реториката ќе им обезбеди сигурна и уште подлабока победа, без мака и без трошоци.
А за хероите, прочитајте што пишувале тие, какви зборови користеле, за што се борeле и за што се стремeле и направeте споредба со денешните ВМРО-вци и нивните говори на собрaниската седница, за да ви биде јасно како би се чувствувале тие ако ги слушат овие денешните.
