Соединетите Американски Држави не сакаат да платат околу 80 милиони долари долг кон Светската здравствена организација (СЗО), туку ќе ги пренасочат тие пари за да ја платат својата сметка во Обединетите нации во Њујорк.
САД планираат да го напуштат СЗО со седиште во Женева на 6 јули 2021 година, откако претседателот Доналд Трамп ја обвини Организацијата дека станала марионета на Кина за време на пандемијата на коронавирусот. СЗО ги отфрли таквите тврдења.
Според заедничката резолуција на американскиот Конгрес од 1948 година, Трамп мора да го извести СЗО една година однапред за повлекувањето на САД од таа организација, а Вашингтон е должен да го плати она што го должи во тековната фискална година.
Заменичката-помошник државен секретар за организациски работи на Меѓународното биро на Стејт департментот, Нериса Кук, изјави дека САД во моментов му должат на СЗО околу 18 милиони долари за финансиската 2019 година и 62 милиони долари за финансиската 2020 година.
– Заедно, тие се репрограмирани во Обединетите нации со цел да го платат редовниот долг кон ОН, рече Кук.
