Луис Суарез е бесен на Барселона затоа што се чувствува исфрлен од клубот, за кој даде се тврди новинарот Фабрицио Романо.
Поради ова, тој нема намера да им заштеди ниту цент од неговата огромна плата, што каталонците ќе му ја должат, доколку му биде раскинат договорот. Тој веќе се договори со Јувентус за неговите лични услови, а добивањето италијански пасош нема да биде проблем. Ова го остава само напаѓачот да се согласи со неговиот сегашен тим за начинот на кој тие ќе се разделат.
Уругваецот има уште една година од договорот со Барселона, но новиот тренер Роналд Куман веќе го извести дека не спаѓа во неговите планови. Суарез зема годишна плата од 23,4 милиони евра и инсистира да му се исплати преостанатиот надоместок доколку биде раскинат договорот меѓу двете страни.
За да се избегне ова, клубот може да се договори со Јувентус за симболична сума за трансфер, како што беше случајот со Иван Ракитиќ, кој замина во Севиља.
