Владата не уриваше пред „Мавровка“, туку асистираше на Општина Чаир која уриваше, заради тоа што не успеваа постапките за избор на изведувач, па ние понудивме да асистираме, изјави денеска премиерот Зоран Заев, на новинарско прашање дали Владата ќе продолжи со уривањето на дивоградбите.
Премиерот Заев денеска рече дека очекува постапките за уривање на дивоградби да продолжат и општините сами да постапат.
„Се знае кога државата може да им помогне на општините. Тогаш кога ќе видиме дека направиле се во нивна надлежност и немаат можност да го направат тоа“, изјави Заев.
