Министерот за правда Бојан Маричиќ денеска се сретна со раководителот на секторот за соработка во Делегацијата на Европска Унија во Република Северна Македонија, Никола Бертолини.
На средбата се дискутираше околу активностите на Министерството за правда и процесот на подготовки за почетокот на преговорите и отворањето на Поглавјето 23: Правосудство и фундаментални права.
Маричиќ истакна дека Министерството за правда цели кон максимално искористување на компонентата за владеење на правото и правосудство за да се постигне максимален ефект во трансформацијата на Северна Македонија.
Тој потенцираше дека поддршката од Европската Унија е мошне значајна за европеизација на државата и се заблагодари за помошта во името на граѓаните на Република Северна Македонија, соопшти Министерството за правда.
