Унгарскиот премиер Виктор Орбан даде поддршка за повторниот избор на Доналд Трамп на ноемвриските претседателски избори во САД, изјавувајќи дека неговите демократски ривали го протуркаа „моралниот империјализам“ во светот што конзервативните лидери како него го отфрлаат.
„Ние навиваме за победата на Доналд Трамп затоа што многу добро ја познаваме дипломатијата на демократите, изградена врз моралниот империјализам. Бевме принудени да го испробаме, не ни се допадна и не сакаме да го повторуваме”, напиша Орбан.
Националистот Орбан го очекуваат парламентарни избори на почетокот на 2022 година, во предизвикувачко време за неговото децениско владеење погодено од пандемијата на коронавирусот.
Изборите ќе бидат одлучувачки бидејќи меѓународната либерална елита се обидува да ги уништи христијанските конзервативци во Европа, додаде тој.
Унгарија и другите земји од Централна Европа ќе ја стават економската ефикасност пред политиките на Европската унија како што се „климатските цели возвишени до апсурд, социјална Европа, заеднички даночен систем и мултикултурно општество“, рече Орбан.
