Премиерот Зоран Заев попладнево во седиштето на НАТО во Брисел се сретна со генералниот секретар на Алијансата, Јенс Столтенберг.
Првиот човек на НАТО, на денешната прес конференција изјави дека Алијансата обезбедила 60 респиратори во вредност од 1,4 милони евра како помош за јавното здравство на Северна Македонија. „Ова е солидарност на НАТО на дело“, нагласи Столтенберг потенцирајќи го придонесот на македонските војници во Авганистан и нивното учество во мисијата на НАТО на Косово.
Столтенберг претходно на Твитер напиша дека е добро да се пречека Заев, премиерот на најновата членка на НАТО фамилијата и нагласи дека Северна Македонија не е сама и во вакви времиња е добро да се има пријател и сојузник покрај себе.
Good to meet @Zoran_Zaev, PM of the newest member of our #NATO family and a reliable Ally. In times like these, it is important to have friends & Allies. North Macedonia does not stand alone. pic.twitter.com/wTvgeodlHB
— Jens Stoltenberg (@jensstoltenberg) October 8, 2020
„Добро е да се сретне Зоран Заев, премиерот на најновата членка на нашата НАТО фамилија и сигурен сојузник. Во вакви времиња важно е да се има пријател и сојузник, Северна Македонија не е сама“, напиша на Твитер Столтенберг.
Ј. Ѓ.
