При претрес на помошни простории во куќа во с. Дуброво неготинско, пронајдени се околу 50 килограми марихуана.
Во рамките на засилените мерки и активности на Министерството за внатрешни работи за сузбивање на нелегалната трговија со наркотици, полициски службеници од Одделот за криминалистичка полиција – Сектор за недозволена трговија со дрога оружје и опасни материи – Единицата за недозволена трговија со дрога во координација со СВР Велес и ОВР Неготино, на 05.11.2020 на подрачје на с. Дуброво, неготинско, по претходно добиена судска наредба, извршија претрес на дом и други простории кај Е. Е.(29), известуваат од МВР.
При претресот во помошни простории кои ги користел Е.Е. пронајдени се околу 50 килограми марихуана. Е.Е. е приведен, а по документирање на случајот ќе бидат поднесени соодветни кривични пријави, стои во соопштението на МВР.
