На територијата на Општина Чаир во текот на вчерашниот ден изречени се вкупно 160 мерки, од кои 17 за возење без возачка дозвола, соопштија денеска од МВР.
Во рамки на засилените акциски контроли во областа на сообраќајот изречени се и 13 мерки за нерегистрирани возила, осум санкции за поминување на црвено светло, како и седум за мотоцикли.
Министерството за внатрешни работи информира дека засилените сообраќајни контроли продолжуваат и во наредните денови и апелираат до граѓаните да ги почитуваат сообраќајните правила и прописи за да се зголеми безбедноста во сообраќајот.
