Хонг Конг го продолжи задолжителниот карантин од седум дена на 21 ден за сите посетители кои доаѓаат надвор од Кина, а таа одлука стапи на сила денеска, со цел да се спречи ширењето на мутираниот, многу заразен вид на коронавирус.
Властите исто така забранија влез во Хонг Конг на сите луѓе кои биле во Јужна Африка во последните три недели.
Хонг Конг веќе ги забрани летовите од Велика Британија, а градските власти во средата соопштија дека најверојатно двајца студенти кои се вратиле од Островот биле заразени со новиот вид на Ковид-19.
Во денешното соопштение, властите соопштија дека луѓето кои престојувале надвор од Кина во претходните три недели ќе мора да останат во карантин 21 ден во специјални хотели направени за таа цел.
– Во согласност со драматичната промена во светот предизвикана од новиот вид на Ковид-19, ние сме принудени да воведеме мерки веднаш. Мора да сториме сè за да се осигуриме дека ниту еден случај нема да биде под нашиот радар, дури и во ретки случаи кога инкубацијата трае 14 дена, рече владиниот портпарол.
