Влегувањето во Словенија од сабота ќе биде можно без карантин или доставување негативен тест за коронавирус за оние кои биле вакцинирани со две дози вакцина против Ковид-19 и оние кои прележале Ковид-19 и имаат лекарско уверение, одлучи денеска словенечката Влада.
Ова е промена од претходниот режим, според кој само одредени категории луѓе можеа да влезат во Словенија без негативен тест или обврзувачки карантин, како што се работници-мигранти од соседните земји, оние кои влегуваат во земјата за образование, полиција или воена соработка, лица со дипломатски пасоши и слично.
За вакцинираните – мора да поминат 14 денови од втората доза, додека за тие кои прележале – не смее да се поминати повеќе од шест месеци.
Влез во земјата врз таква основа се однесува само на државјаните и жителите на земјите-членки на ЕУ и Шенген, а не и на оние од трети земји. /МИА/
