Првата жена која го обвини актерот Арми Хамер за сексуално насилство, а која претходно претпочиташе да остане анонимна, излезе во јавноста со своето име.
Се работи за извесна Ефи (24), од Европа. Таа се појави пред новинарите со својата адвокатка Глорија Алред, но не го откри своето презиме.
Ефи била во контакт со него во периодот 2016 – 2020 година и тврди дека за тоа време, тој повеќекратно се однесувал насилно со неа. Според нејзиното сведоштво, во 2017-та тој „насилно ја силувал“.
– Мислев дека ќе ме убие!, изјави Ефи.
Полицијата од Лос Анџелес потврди дека против Хамер е покренато обвинение уште од 3-ти февруари годинава.
На интернет пред неколку месеци се појавија извадоци од вознемирувачки интернет-разговори со, најверојатно, друга жена. Пораките што Хамер, наводно, ги испратил, содржат сексуални фантазии за силување, кршење коски и пиење крв. Тој потоа изгуби неколку филма во кои требаше да глуми. Еден од нив е „Принудна венчавка“, каде што требаше да глуми покрај Џенифер Лопез. Хамер, во своја одбрана, вели дека обвинувањата се лага.
извор: идивиди.ком.мк
