Меѓународната фудбалска асоцијација (ФИФА) денеска повторно го суспендираше својот поранешен претседател Сеп Блатер поради финансиски малверзации, седум месеци пред да му истече веќе изречената суспензија.
Етичкиот комитет на ФИФА соопшти дека Блатер е суспендиран на шест години, заедно со поранешниот генерален секретар Џером Валке, на кого му е изречена осуммесечна суспензија.
Блатер и Валке се казнети под обвинение дека меѓусебно делеле бонуси во износ од неколку милиони долари, а двајцата ќе мораат да платат отштета од по еден милион швајцарски франци во рок од еден месец.
Блатер претходно беше суспендиран на шест, а Валке на десет години, во одвоени случаи.
Поранешниот претседател на ФИФА, Швајцарецот Блатер, е со нарушено здравје, откако во декември му беше извршена операција на срцето. /МИА/
