Аналитичарот и експерт за Југоисточна Европа, Флоријан Бибер, после првичните резултати од вчерашните парламентарни избори во Бугарија, преку твитер објава се прашува – дали можеме да кажеме дека никој од оние кои решија да ја блокираат Северна Македонија од преговорите со ЕУ, не профитираше од овој националистички ефтин удар?
Considering election results in Bulgaria tonight, can we say that none of those who decided to block North Macedonia from EU negotiations benefited from this nationalist cheap shot? Time to move on.
— Florian Bieber (@fbieber) April 4, 2021
„Имајќи ги предвид резултатите од изборите во Бугарија вечерва, дали можеме да кажеме дека никој од оние кои решија да ја блокираат Северна Македонија во преговорите со ЕУ, не профитираше од овој националистички ефтин удар? Време е да се продолжи понатаму. стои во Твитер објавата од аналитичарот Флоријан Бибер.
По вчерашното гласање, според проекциите на бугарската „Алфа рисрч“, партијата на Красимир Каракачанов, ВМРО-БНД, најверојатно ќе биде најмалкубројната парламентарна партија со освоени 4 проценти од гласовите, односно 11 пратеници, но можно е и воопшто да не влезе во Парламентот.
Според последните резултати, врз основа на 100% од паралелното пребројување на гласовите што го објави агенцијата „Алфа рисирч“, за партијата на Борисов се определиле 25,2 отсто од бугарските гласачи. Овие резултати, според првичните проекции, на ГЕРБ би му обезбедиле 69 пратеници. Oва би значело дека ГЕРБ во новиот парламент ќе има значително помалку пратеници.
Ј. Ѓ.
