Институтот Пастер од Лил треба да добие овластување во рок од една недела за да го тестира својот третман против ковид-19 врз луѓето. Институтот ја доби етикетата „национален приоритет на истражување“ која ги обврзува Националната агенција за безбедност на лекови (АНСМ) и етичкиот совет да дадат свое мислење во рок од осум дена. Сега се потребни нивните овластувања пред да започнат со тестирање врз луѓе, јави дописникот на МИА.
Ксавиер Насиф, директорот на Институтот Пастер од Лил, беше оптимист во изјавата за Франс 3:
-Ако се оди добро, се надевам дека ќе можеме да започнеме со тестирање до крајот на април или на самиот почеток на мај. На крајот на краиштата, резултатите од овој антивирус кај луѓето треба да бидат познати во текот на „летото, рече тој.
Антивирус се разликува од вакцината по тоа што не ги напаѓа истите соединенија на коронавирусот.
-Тие се нечувствителни на варијантите затоа што ги напаѓаат основните состојки што овозможуваат реплицирање на вирусот. Тие не се разликуваат, или многу малку, објаснува Ксавиер Насиф.
Институтот Пастер од Лил има експертиза за ретки коронавируси во Франција. Исто така, има голема хемиска библиотека (база на податоци за молекули).
-Оваа локална експертиза ни овозможи да идентификуваме молекула: клофоктол (или октофен), стар лек што се користи против ринофарингитис, објаснува Ксавиер Насиф.
Доколку се покаже ефикасен, овој антивирусен би бил вреден во случај на неефикасност на вакцините врз одредени варијанти. Сепак Ксавиер Насиф е претпазлив и не ја исклучува можноста за варијација на вирусните соеви, а со тоа и на основните состојки кои ги напаѓаат антивирусите, што би влијаело на ефикасноста на нивниот лек.
