Класична лажна вест и теорија на заговор, вели словенечкиот евтопратеник Клемен Грошељ за изјавата на претседателот на ВМРО-ДПМНЕ Христијаn Мицкоски дека премиерот на Словенија и негов пријател Јанез Јанша не бил креатор на нон-пејперот за промена на гранциите на Балканот туку дека тоа го направиле Тања Фајон, Тонино Пицула и Зоран Заев.
Околу 6.000 правни субјекти од туристичко-угостителскиот сектор денеска напладне, пред Министерството за финансии, ќе почнат со најавените протести. Владата, пак, на прес-конференција ќе соопшти детали за претстојниот шести сет економски мерки. Од денеска треба да почне и аплицирањето за финансиска поддршка на платите.
Алтернативната метода за прекин на бременоста, медикаментозниот абортус (абортус со лекови) од денеска како услуга е достапен на Универзитетската клиника за гинекологија и акушерство.
Министерот за здравство Венко Филипче, со претставници од Министерството за здравство, денеска на официјална посета на Белград каде ќе се сретнат со српскиот министер за здравство Златибор Лончар и со директорката на Институтот за вирологија, вакцини и серуми „Торлак“, Вера Стоиљковиќ.
Претседателот на Англискиот фудбалски сојуз (ФА) принцот Вилијам, го критикуваше формирањето на европската Супер лига, нагласувајќи оти ја дели загриженоста на навивачите поради идејата за ново клупско натпреварување.
ФРОНТ:
„Кога корупцијата ќе ги изеде сопствените деца“– пишува САШО ОРДАНОСКИ / ЦИВИЛ МЕДИА
Крајно време е граѓанското општество да преземе иницијатива и едногласно да ги отфрли говорот на омразата и повиците на насилство во јавната комуникација. Никаде не водат црните кампањи и опструкциите во законодавниот дом и секаде каде што се донесуваат одлуки – општини, институции, училишта, болници, јавни установи и претпријатија – секаде, не ги плаќаме политичарите да сеат омраза И непријателство, пишува ЏАБИР ДЕРАЛА.
Ingenuity Mars Helicopter на НАСА стана првиот летачки објект во историјата што направил контролиран лет на друга планета. Хеликоптерот слета на Црвената Планета, и преку фотографии ни го долови тамошниот хоризонт. Леталото исто така сигурно слета на Земјата.
М. Миткоска
