Од сите монархии во светот, британското кралско семејство е најпознатото. Дури и да не следите што се случува, сигурно знаете по нешто за секој од членовите.
Но, дури и ако мислите дека знаете сè за нив, сигурно има некој факт што не сте го слушнале досега.
Иако на сите ни се познати многу детали од животот на кралицата Елизабета, веројатно не сте слушнале барем дел од следниве:
Никогаш не одела на училиште
Елизабета никогаш не одела на училиште како нејзините синови и внуци, но тоа не значи дека не учела ништо. Таа, заедно со нејзината сестра Маргарет, имала приватен тутор кој ѝ држел часови дома.
Со сестра ѝ тајно се забавувале на лондонските улици
Елизабета и Маргарет добиле дозвола од родителите да го прослават крајот на Втората светска војна на улиците во Лондон, а наводно никој не бил свесен дека на прославата присуствуваат и тие. Големата прослава се случила на 8-ми мај 1945 година, а кралицата има изјавено дека тоа била една од најзабавните ноќи во нејзиниот живот:
„Се сеќавам дека многу непознати луѓе се држеа за рака и одеа по улиците, а сите бевме обземени од чувството на среќа и слобода“.
За овој настан е снимен и филм – A Royal Night Out.
Ѝ се скршила круната на свадбата
Кратко пред да почне венчавката на Филип и Елизабета, на кралицата ѝ се скршила круната. За среќа, кралскиот златар веднаш ја поправил штетата.
Британија имала 15 различни премиери во текот на нејзиното владеење
Кога ќе се земе предвид колку долго Елизабета седи на кралскиот трон, ова и не е некое изненадување.
Патувала барем 260 пати во текот на нејзиното владеење
Откако стана кралица, Елизабета била на над 260 патувања во други држави. Истовремено, таа е дефинитивно најактивниот член од кралското семејство. Само во 2015-та, Елизабета извршила 341 кралска должност – повеќе од збирот на должностите на Хари, Вилијам и Кејт од истата година.
Иако е многу богата, не е најбогатата личност во Британија
Кралицата добива пари од данокот што го плаќаат Британците, како и од многуте имоти што ги поседува. Во 2019-та, според Forbes, кралицата имала околу 500 милиони долари. Но, најбогатиот човек во Англија – Џејмс Редклиф – „тежи“ неколку милијарди.
Не мора, но сепак плаќа даноци
Кралицата не е должна да ѝ плаќа данок на државата, но наводно чувствувала потреба да го прави тоа. Па, од 1993 година, таа редовно плаќа данок како и секој „обичен“ жител.
Испрати порака до Месечината
Пред слетувањето на Месечината во 1969, многу светски лидери добиле понуда да напишат порака која ќе биде испратена на Месечината. Кралицата ја прифатила понудата, па денес и нејзината порака се наоѓа на силиконски диск на нашиот природен сателит:
„Во името на Британците, ги поздравувам вештината и храброста кои го однесоа човекот на Месечината. Нека овој подвиг ги зголеми знаењето и благосостојбата на човештвото“.
Го користи истиот, евтин лак за нокти од 1989
Уште од 1989 кралицата користи светло розов лак за нокти од брендот Essie, кој чини околу 9 долари. Според брендот, кралицата не ни помислувала да проба друга нијанса.
Има одлична смисла за хумор
Иако обично ја гледаме во сериозно издание, оние кои се блиски до кралицата велат дека има одлична смисла за хумор. Истовремено, многу добро ѝ одело имитирањето. Еден свештеник кој ѝ е добар пријател има изјавено:
„Најсмешното нешто што сум го видел е како кралицата го имитира звукот на авион кој слетува“.
Се шегувала на сметка на туристи кои не ја препознале
Уште еден доказ за забавната страна на кралицата – нејзин поранешен телохранител откри дека група туристи кои го посетувале имотот Балморал не ја препознале кралицата бидејќи носела марама на главата.
Тие ја прашале дали ја има запознаено кралицата, на што Елизабета одговорила „Не“. Потоа покажала кон полицаец кој стоел до неа и им рекла: „Но тој ја познава“.
Има луксузен стан во Њујорк
Во 2015 година Елизабета купи луксузен стан во Њујорк по цена од околу 8 милиони долари. Зградата во којашто се наоѓа станот е направена од британски архитект кого кралицата го има прогласено за витез.
Не користи презиме, а се потпишува како Елизабета Р. (Elizabeth R.)
Кралицата не го користи нејзиното презиме, а за потпис го користи името Елизабета Р. Буквата „р“ всушност го означува латинскиот збор „regina“, кој значи кралица.
извор: црнобело.ком.мк
