„Упорност“, роверот на НАСА на Марс, се подготвува за првиот примерок од карпите на „Црвената Планета“. Пробата ќе биде земена од кратерот Језеро, поточно местото наречено „Груб фрактуриран под“. Се очекува пресвртната точка да се случи следниве две недели.
Роверот ќе бара и можни остатоци од микроби. Според научникот Кен Фарли, во кратерот, се претпоставува, некогаш имало езеро кое се полнело и празнело неколкупати, создавајќи потенцијални услови за живот. Анализа на примероците, можеби, ќе открие и траги од хемискиот или минералниот состав на карпите и ќе даде сознанија за тоа – дали карпите се формирани од вулкан или се од седиментно потекло?
Дронот на американската Национална воздушно-вселенска администрација – НАСА, со роботскиот ровер слета на Марс на 18 февруари.
Принципот вели дека роботот прво ќе ја распореди својата роботска рака долга седум метри за да се одреди од каде ќе го земе примерокот, а потоа ќе го изгребе горниот слој на карпата со посебна алатка.
Примерокот ќе се анализира со употреба на научни инструменти монтирани на куполата на роверот. Еден од инструментите за анализа е и „Суперкем“ – тоа е она што со ласер кон камчето, ќе го отчита резултатот.
Фарли смета дека карпестиот предел можеби настанал од езерската кал и „ова се многу добри места за барање биолошки остатоци“, иако веројатно ќе минат уште неколку месеци пред „Упорност“ да стигне до таква површина.
Секоја анализа на издржливост на еден камен ќе има свој непроменет биолошки „близнак“ од друго место, што роверот ќе го земе, запечати и ќе го постави во себе.
