Прагот од два отсто за собирање потписи за независните листи во Предлог-измените на Изборниот законик ќе биде намален, веројатно на еден отсто или можеби и укинат. Како ќе одлучат пратениците, јас како политичар тоа ќе го поддржам, изјави денеска премиерот Зоран Заев.
По цели 39 години, нова детска градинка „Темјанушка“ беше отворена денеска во Неготино. Во неа ќе се згрижуваат и воспитуваат 169 деца. Премиерот Зоран Заев заедно со малиот Љупче на симболичен начин ја отклучија влезната врата на градинката.
Кандидатот за премиер на Бугарија Пламен Николов, предложен од партијата „Има таков народ“, којашто освои најмногу гласови на парламентарните избори, синоќа во гостувањето на бугарската национална телевизија БНТ, во одговор на прашањето дали ќе ја задржи досегашната позиција на Софија кон С Македонија, рече дека ако формираат Влада, нема да водат политика на конфронтација.
Парламентарното мнозинство предводено од СДСМ го усвои ребалансот во Буџетот за 2021 година, кој обезбедува повеќе приходи во Буџетот, повеќе средства за капитални инвестиции, за поддршка на стопанството и на граѓаните поради коронакризата, за здравството, земјоделството, за редовна исплата на плати, пензии и социјални права. Вкупните приходи се за 4,7 отсто, односно за 10 милијарди денари повисоки во однос на иницијалните проекции на буџетот, а расходите се повисоки за 8,6 отсто.
M. Mиткоска
