На чичко Ѕвонко, 58 годишниот жител на Нов Истевник кој остана без својот дом од пожарите, обезбедо му е сместување како и неопходни намирници, велат од СДСМ.
Со акција на локалната самоуправа и градоначалникот на Делчево, Горан Трајковски веќе се расчистува и теренот, започнуваат подготовки за изградба на нов дом.
Денеска, во попладневните часови организациониот секретар на СДСМ, Мартин Попов, го посети Ѕвонко и неговиот имот кој беше зафатен од пожарот, како и повеќе други семејства од Истевник и други населени места од околината на Делчево кои претрпеа штети од пожарите.
Сведоштвата, траумите, личните и семејни загуби кои ги претрпуваат жителите кои се соочија со пламените јазици се потресни, но државата, локалната власт, сите заедно сме тука за граѓаните и штетата ќе биде надоместена.
Солидарното македонско општество, сите заедно, ќе ја надоместиме штета и во Нов Истевник и насекаде во државата.
