Локалните и регионалните патишта, енергетските капацитети и расположливиот кадар, се само некои од причините поради кои источниот регион е меѓу најпрвилечните за инвестиции.
Како што рече денеска премиерот Зоран Заев, проекцијата на Владата е во следните неколу години да се имплементираат преку 1.500 мегавати фотонапонски централи и преку 550 мегавати ветерни електрани. Притоа, од фотонапонските две третини се во источниот регион, а 350 на локацијата на порано предвидениот аеродром.
-Позади Три чешми, на еден хектар, ќе се реализираат до 450 мегавати фотонапонски централи, а на потегот Штип – Радовиш веќе се реаговара со турска компанија за над 170 мегавати фотонапонски централи. Прво, ќе се заокружи екологијата на целиот овој регион и второ, сите инвестиции ќе бидат изведени од домашни комапнии и ќе работат жители на овој регион. Бруто домашното производство во енергетиката ќе биде создавано од обновливи извори токму од овој регион. Постојните инвеститори веќе ги најавија најновите фабрики, а има и многу нови инвеститори кои како посебно атрактивен го бираат штипскиот регион, рече Заев, одговорајќи на новинарски прашања по увидот на работите во филтер станицата во Штип.
извор: МИА
