Кандидатката на ВМРО-ДПМНЕ Данела Арсовска без срам зборува дека на Скопје му недостига зеленило, откако ВМРО-ДПМНЕ со години систематски го уништуваше зеленилото во Скопје и на Водно. Да, на Скопје му недостига зеленилото од Булевар Климент Охридски, кое Коце Трајановски и Никола Груевски го искасапија, а Шилегов вети дека ќе го вратиме. На Скопје му недостигаат парковите и зеленилото во Центар уништени со мегаломанскиот проект Скопје 2014, кое ние го надоместуваме со зелени кровови и зелени скверови – реагира градската организација на СДСМ.
„На Скопје му недостига зеленилото на Водно, кое партијата на Арсовска ВМРО-ДПМНЕ систематски го уништуваше – со „Сончев Град“, патот до Сончев град, „Беверли Хилс“ на Водно и плацовите за „згради мади“ на Груевски и урбаната мафија.
На Скопје му недостига зеленилото уништено со криминалната бетонизација на Скопје, спроведена со криминално донесување на урбанистички планови од страна на „Грујо ГУП“ и „Миле ДУП“.
Залудно кандидатката на ВМРО-ДПМНЕ Арсовска зборува за нови паркови без да предочи ни „п“ од проект за барем еден парк. Скопјани се сведоци како на местата каде што имаше диви депонии и диви паркинзи никнаа десетици нови паркови и зелени скверови во Скопје. Скопјани се сведоци дека градоначалникот на Скопје Петре Шилегов го унапреди зеленилото во Скопје како никогаш досега и ги возобнови двата најголеми паркови во Скопје – Градскиот Парк и паркот Сарај.
Скопје четири години успешно го враќа зеленилото кое ВМРО-ДПМНЕ, Никола Груевски и Коце Трајановски систематски го уништуваа. Скопје станува зелен град“, пишува во соопштението на СДСМ Скопје.
