Шефот на дипломатијата Бујар Османи денеска во Скопје оствари средба со амбасадорот на Јужна Кореја, со седиште во Софија, Ли Хо-шик, по повод предавањето на копиите од акредитивните писма.
-Му посакав успех во дипломатската мисија со уверување дека со своето искуство и личен ангажман ќе даде значаен придонес во натамошниот развој на односите меѓу двете пријателски земји.
Изразивме заемна подготвеност за продлабочување на билатералните односи, со посебен акцент на економската и бизнис соработката, објави Османи на својата Фејсбук-страница.
Османи исто така оствари средба и со aмбасадорот на Суверениот воен ред на Св.Јован од Ерусалим, Родос и Малта, Франческо Џусти.
-Хуманитарните и благородни мисии на Редот, преку кои им се помага на ранливите категории на граѓани се високо ценети во нашата земја, но и во меѓународните односи севкупно, напиша Османи на својата Фејсбук-страница по повод оваа средба.
извор: МИА
