Легендарната американска тенисерка Били Џин Кинг ја коментираше „Големата тројка“ на машкиот тенис и изјави дека смета дека децата кои почнуваат да се занимаваат со овој спорт најмногу ќе се угледуваат на Рафаел Надал, но смета дека Новак Ѓоковиќ ќе има најмногу Гренд слем титули на крајот.
Во моментов и Ѓоковиќ и Надал и Роџер Федерер имаат по 20 Гренд слем титули и важат за тројцата најдобри тенисери во историјата.
„Сите тројца играчи се различни. Го обожавам Надал. Мојата сопруга и јас го запознавме Рафа кога имаше 14 или 15 години. Мислам дека тој не се сеќава на тоа, но ние се сеќаваме затоа што се сеќававме на огромниот потенцијал. Мислевме: „Ова момче е навистина кул!“ Сакам да го гледам затоа што сум импресиониран од тоа како го почитува тенисот – се лути кога другите играчи не го почитуваат овој спорт. Затоа децата се трудат да бидат како него. На тоа поле тој е број еден“, изјави познатиот тенисер.
„Постарите луѓе го претпочитаат Федерер поради неговата елеганција и начинот на кој танцува на теренот. Надал е поцврсто на земја и се држи до своите вредности. Ѓоковиќ е единствен и неповторлив. Тој е многу паметен и поотворен за промени од Рафа и Роџер. Мислам дека на крајот ќе има најмногу титули. Тоа е затоа што Федерер и Надал си одзедоа многу трофеи еден на друг. Истото беше и во женскиот тенис – Мартина Навратилова и Крис Еверт ќе имаа по 40 Гранд слем титули доколку не се појавеше една од двете“, изјави Били Џин Кинг.
Били Џин Кинг (77) во својата богата кариера има освоено 12 ГС титули, а освен тоа важи за една од најзабележителните активисти за родова еднаквост во светскиот тенис.
извор: Спорт Клуб
