Новак Ѓоковиќ и официјално е прв носител на претстојниот Грен слем турнир во Мелбурн. Организаторите на Австралија опен денеска потврдија 32 „костури“ во двете конкуренции, меѓу кои српскиот тенисер е на позицијата број 1, пренесува Спорт Клуб.
Инаку, официјалната ждрепка за АО е закажана за четврток на 13 јануари.
Зад Ѓоковиќ се Данил Медведев (Русија), Александар Зверев (Германија), Стефанос Циципас (Грција), Андреј Рубљов (Русија), како шестопласиран Рафаел Надал (Шпанија), а во првите десет се Матео Беретини (Италија), Каспер. Руд Норвешка), Феликс Огер-Алиасим (Канада) и Хуберт Хурках (Полска).
Australian Open: Novak Djokovic confirmed as No. 1 seed – https://t.co/PgWzTSJHgo #VIXC #LatestComments #Commentary #eWeatherNews pic.twitter.com/EltwPZ2o3J
— Latest Commentary – #LatestComments (@LatestComments) January 11, 2022
Во женска конкуренција, Австралијката Ешли Барти е број 1, а по неа се Арина Сабаленка (Белорусија), Гарбине Мугуруза (Шпанија), Барбора Крејчикова (Чешка), Марија Сакари (Грција), Анет Контавејт (Естонија), Инга Свионтек ( Полска), Паула Бадоса (Шпанија), Онс Јабур (Тунис) и Анастасија Павличенкова (Русија) … Јапонката Наоми Осака е на 13. место, а Романката Симона Халеп е на 14. место.
Отвореното првенство на Австралија започнува во понеделник на 17 јануари.
