Не сакам да изигрувам бајач, ама, освен манекенството кое ти ја преплави суетата, всушност, ги засили твоите комплекси за неменливост, за лажна совршена вредност, за човек на кој му беше пружена најодговорната позиција во значаен период за државава, преспанскиот договор и договорот со Бугарија, во себе виде бастион пред кој ќе стравува и Заев и сите други во владата. На моменти некои твои љубители те видоа и на првата позиција на Бихаќка, еј. Таа тенка нитка на натрупани комплекси во тебе, се покажаа веднаш после твојата смена од таа позиција.
Денес, испливаа со сиoт сјај на површинската бедност. Види момче Никола Димитров, на ваков начин да се простуваш од луѓето кои ти овозможиле светска афирмација и куп привилегии, да хушкаш набедувајќи го Бујар со некои апсурди, за кои, кој знае колку пати и самиот Бујар се изјаснувал, дека, за се’ може да се преговара со Бугарите, само за јазикот и идентитетот на Македонците НЕ, ги потврдуваат оние мои претходни сомнежи за твојата лажна вредност…
И уште еднаш, типац како тебе кој ја доби шансата да биде дел од највисоките позиции во владата на Заев, познат и потврден вморовски кадар да биде дел од социјладемократската власт, доколку се чувствувал загрозен и по позицијата и по престојот во Македонија, (сите знаеме дека подолг период живееш надвор од државава со семејството), на ваков начин да се простува од пружената шанса, не е ништо друго освен ниска карактерна особина преку која набедувајќи други се обидува да ги покрие сопствените дефекти и комплекси.
И ај тоа, ама, да ја хушкаш јавноста напаѓајќи го најдобриот министер во оваа влада, Бујар Османи, и сето ова да го нијансираш со национална, албанска нитка, со кои повеќе од сигурно ќе предизвикаш хаос меѓу лажните патриоти од твојот калибар во вморонското крило, е чин за осуда. Не за ваква како мојата, туку, за кривична осуда. Ако си згоден и знаеш како да се облекуваш, ако си речит и присен, ако дипломатијата ти е во крвта, тогаш во најмала рака, бе токмак, требаше да го знаеш и ова што со твоево излагање можеш да го предизвикаш на внатрешен план.
Најмалку што можеш сега да направиш е да се засрамиш, ама кај тебе само пердето виси, срамот го нема. Знаеш само себе да се цениш. А можеше исто како што дојде така да си заминеш. Дипломатски, човечки, македонски. Ти заминуваш вморонски…
Која мизерна завршница, да се најежишшш…