Инфлацијата во Хрватска во декември минатата година е зголемена за 5,5 отсто на годишно ниво, додека во цела 2021 година е зголемена за 2,6 отсто во однос на претходната година, покажуваат денешните податоци на Државниот завод за статистика (ЦБС).
Декемвриската годишна стапка на инфлација е највисока од октомври 2008 година, кога изнесуваше 5,9 отсто.
Во однос на ноември, цените на стоките и услугите за лична потрошувачка во Хрватска во декември се задржале во просек на исто ниво.
На годишна основа, во последниот месец од минатата година, најмногу поскапеле превозот и тоа за 11,4 отсто, што во најголем дел се должи на растот на цените на горивата од 22,5 отсто на годишно ниво.
Цените на храната, кои имаат значително учество во потрошувачката кошничка, го продолжија растот што го почнаа во јули и во просек во декември на годишно ниво беа повисоки за 8,1 отсто.
извор: МИА
