Изградбата на граничниот премин „Клепало“ меѓу Бугарија и Република Северна Македонија ќе има големи економски придобивки за регионот, изјави во интервју за БТА градоначалникот на општина Струмјани Емил Илиев.
За забрзување на градежните работи на граничниот премин се догоорија вицепремиерот и министер за регионален развој и јавни работи Гроздан Караџов и неговите македонски колеги – министрот за транспорт и врски, Благој Бочварски, и за локална самоуправа, Горан Милевски, соопшти Министерството за регионален развој и јавни работи.
Министрите учествуваа на состанокот на работната група за инфраструктура, транспорт и поврзување како дел од владиниот состанок меѓу двете земји.
Веста наидува на исклучително позитивен став и поддршка, рече градоначалникот на општина Струмјани, на чија територија се наоѓа идниот граничен пункт.
-Проблемот е што за овој граничен пункт разговорите се водат 40 години и во одреден временски период трпат развој или запирање, коментира Илиев.
Очекувањата и надежите кои ги искажа општинскиот градоначалник се дека ќе се исполнат договорите и ќе почнат градежните активности.
-Проектот е од голема економска придобивка и е предуслов за развој на општината, рече Илиев.
Во Струмјани главната егзистенција е лесната индустрија, главно работилници за шиење, оранжериско производство, земјоделство и сточарство, како и екстракција и преработка на мермер и карпи и материјали за обложување. Општината не е богата со ресурси, но отворањето на граничниот пункт „Клепало“ ќе го зголеми протокот на туристи и ќе ја поттикне трговијата од двете страни на границата, додаде градоначалникот Илиев.
Освен подобра размена на човечки ресурси и капитал, изградбата на граничниот премин позитивно ќе влијае и на унифицирање на стандардот во општинскиот центар и останатите дваесет и едно село лоцирани во општина Струмјани. Тоа веќе се гледа со реновирањето на патниот правец од трета класа Струмјани – Раздол.
-Сведоци сме овие три години на ефектот од развојот на инфраструктурата со асфалтирањето на делницата од 24 километри пред граничниот премин. Со овој нов асфалтиран пат луѓето почнаа да се враќаат во сабота и недела, туристичка активност како организиран велосипедизам , авантуристички туризам и повторно откривање на убавините на Малешевско-огражденскиот регион, додаде Емил Илиев.
Обезбедувањето врска меѓу општините Струмјани и Берово, лоцирани од двете страни на границата, ќе го ревитализира регионот и ќе има корисни ефекти врз соработката меѓу државите, додаде градоначалникот на Струмјани. Придобивките ќе бидат за малите и средни бизниси во областа, но индиректно во многу поголеми размери, додаде тој.
-Со ова ќе се обезбеди подобра поврзаност меѓу општините од централниот дел на Република Северна Македонија и Санданско-Петричкиот регион и во правец на Кавала и Атина во Република Грција, рече Илиев.
Изградбата на новиот граничен премин ќе се финансира со 10,3 милиони евра од Програмата за прекугранична соработка Бугарија-Северна Македонија во периодот 2021-2027 година, соопштуваат од Министерството за регионален развој и јавни работи. По него ќе бидат завршени и рехабилитирани патиштата кои водат до границата од Струмјани и Берово.
Министрите од двете земји, исто така, ги наведоа чекорите за забрзување на изградбата на граничниот премин „Клепало“.
Првата формална средба на Мешовитата експертска комисија за утврдување на нејзините параметри се очекува до крајот на февруари
