Додека СДСМ покачува плати и пензии, реализира мерки што носат повисок животен стандард за граѓаните, ВМРО-ДПМНЕ во недостаток на конструктивност и идеи блокира се што е во интерес на граѓаните. Христијан Мицкоски синоќа најави нови блокади. Дали тоа значи дека ВМРО-ДПМНЕ и нивните пратеници сега ќе го блокираат растот на пензиите и новата методологија?, прашуваат од СДСМ.
„Мицкоски само потврдува дека нему воопшто не му се важни ниту наставниците, ниту пензионерите, ниту граѓаните, туку сака со блокади да ја замаскира неспособноста на неговите градоначалници.
Тој многу добро знае дека на локално ниво градоначалниците на ВМРО-ДПМНЕ ништо не работат освен што ги партизираат општините, а неговите пратеници во Собранието срамно блокираат измени на Законот кој обезбедува повисоки плати во образованието и трајно вработување на над 4.700 наставници и стручни соработници.
Залудни им се блокадите на ВМРО-ДПМНЕ, законите во интерес на граѓаните ќе бидат донесени и без нив“, велат од СДСМ.
