Тоа не е наш избор. Целата одговорност за уништувањето на заедничкиот правен и хуманитарен простор и последиците останува на оние кои ја донесоа оваа одлука. Без Русија, Советот на Европа ќе го изгуби својот паневропски идентитет. Ова е изјавата на портпаролката на руското МНР, Марија Захарова, а на Твитер го пренесе Постојаното претставништво на Руската Федерација во Советот на Европа.
M.Zakharova on suspension of Russia’s membership in #coe: It’s not our choice. All responsibility for the destruction of the common legal and humanitarian space & the consequences stays with those who took this decision. Without Russia, #coe will lose its pan-European identity. pic.twitter.com/DhdGuSUewP
— RussianMissionCoE (@CoE_Russia) February 26, 2022
Инаку, во петокот на 25 февруари, Советот на Европа соопшти дека ги суспендира сите претставници на Русија од учеството во паневропското правно тело поради инвазијата на Москва против Украина. 47 земји-членки „се согласија да ја суспендираат Руската Федерација од нејзините права на претставување во Советот на Европа“, повикувајќи се на членот 8 од статутот.
Одлуката стапи на сила веднаш и се однесува на правото за учество на Русија во Комитетот на министри и во Парламентарното собрание на Советот на Европа (ПССЕ). Но, одлуката не се однесува и на Европскиот суд за човекови права (ЕСЧП), кој е дел од Советот на Европа.
И. З.
