Ситуацијата во Мариупол останува непроменета – максимално тешка. Руската војска ги блокира сите напори за организирање хуманитарни коридори и спасување на нашиот народ. Локалните жители кои паднале во рацете на окупаторите ги спремаат за депортација или дури и за мобилизација во окупаторските сили. Не е позната судбината на најмалку десетици илјади жители на Мариупол, кои претходно биле преместени на територијата под руска контрола, истакна претседателот на Украина Володимир Зеленски во своето обраќање.
Обраќањето на Зеленски го пренесуваме интегрално:
„Завршува 55-тиот ден од нашата одбрана од руската агресија од големи размери. Во моментов, практично целиот борбено подготвен дел од окупаторската армија е концентриран на територијата на нашата држава и во пограничните области на Русија. Тие ги донесоа против Украина речиси сите и речиси се што може да војува со нас.
Затоа, во оваа пресметка, во оваа одбрана, пред очите на целиот свет, ние навистина и се спротивставуваме на армијата која важеше за втора или трета по сила. А начинот на кој нашите Вооружени Сили се држат, начинот на кој целата наша нација храбро се брани, покажува дека сепак украинската армија одамна заслужува да биде повисока од руската на глобалното рангирање.
Ако имавме пристап до целото оружје што ни треба, кое го имаат нашите партнери и кое е споредливо со оружјето што го користи Руската Федерација, веќе ќе ја завршивме оваа војна. Ќе го вратевме мирот и ќе ја ослободевме нашата територија од окупаторите. Затоа што супериорноста на украинската војска во тактиката и мудроста е сосема очигледна.
Затоа ја нагласувам едноставната вистина буквално во секој контакт со лидерите на демократскиот свет, во сите преговори, во сите интервјуа – неправедно е што Украина сè уште е принудена да бара нешто што нејзините партнери го чуваат некаде со години. Ако тие го имаат оружјето што ѝ треба на Украина овде, што ѝ треба сега, ако ја имаат муницијата што ни треба овде и ни треба сега, тогаш нивна, пред сè, морална должност е да помогнат во заштитата на слободата. Да помогнат да се спасат животите на илјадници Украинци.
Ако го добиевме во првата недела од војната она што го добиваме сега, придобивките за Украина и за слободата во Европа ќе беа поголеми, сигурен сум. И ако го добиеме токму сега она што некои партнери планираа да ѝ го предадат на Украина во наредните недели, тоа ќе спаси животи на илјадници, илјадници луѓе.
Се надевам дека партнерите ќе ја слушнат оваа теза и ќе разберат дека секој ден е важен. Секое одложување во помагањето на Украина води до тоа окупаторите да имаат можност да убијат повеќе Украинци.
Интензитетот на огнот на руските војници во правецот на Харкив, во Донбас и во Днепропетровската област е значително зголемен. Тие сè уште сметаат дека станбената структура е нормална цела. Во оваа војна, руската армија засекогаш ќе се впише во светската историја како можеби најварварската и најнечовечната војска во светот.
Намерно убивање цивили, уништување станбени населби, цивилна инфраструктура, користење на секаков вид оружје, вклучувајќи го и она што е забрането со меѓународните конвенции, е веќе бренд на руската армија. И ова е таква подлост, која со генерации ќе ја означува руската држава како извор на апсолутно зло.
А кога ќе се формира специјален суд за да ги осуди сите виновни за воени злосторства, рускиот пасош ќе значи само едно во која било земја: недвосмислена осуда од сите пристојни луѓе, недвосмислена неподготвеност за соработка.
Ситуацијата во Мариупол останува непроменета – максимално тешка. Руската војска ги блокира сите напори за организирање хуманитарни коридори и спасување на нашиот народ. Локалните жители кои паднале во рацете на окупаторите ги спремаат за депортација или дури и за мобилизација во окупаторските сили. Не е позната судбината на најмалку десетици илјади жители на Мариупол, кои претходно биле преместени на територијата под руска контрола.
За жал, не слушаме одговор од Русија на понудата за размена, што може да ги спаси цивилите и бранителите на Мариупол. И овој молк треба да го забележат сите кои биле или можеби се поврзуваат со Русија. Кога ќе се реши вашата судбина, Москва ќе молчи. Ова е значајно. И ова е најдобриот аргумент да не се контактира со Руската Федерација.
На југот на нашата земја окупаторите се обидуваат да покажат барем нешто што во Русија може да се претстави како наводна подготвеност на Украинците да соработуваат со руските структури. Тоа изгледа патетично. По 55 дена војна, окупаторите успеаја да привлечат на своја страна мможеби некои маргиналци.
Ситуацијата е сосема јасна – Украинците во сите региони на нашата држава го поддржуваат украинското национално единство. Тие ја поддржуваат нашата национална државност.
И јас сум им благодарен на сите жители на привремено окупираните градови, привремено окупираните заедници – Херсон, Каховка, Мелитопол и сите наши други заедници – за оваа јасна позиција. Никаква соработка со окупаторите. Никаква поддршка од соработниците. Колку попринципиелни ќе бидеме, колку попринципиелни ќе бидете, толку побрзо ќе се врати нормалниот живот.
Денес имав средба со претставници на Врховната Рада. Се разговараше за планот на парламентарната работа, се договорија важни предлог-одлуки за државата, кои треба да се донесат во блиска иднина.
Поточно, од пратениците беше побарано да ја поддржат техничката одлука за продолжување на воената состојба. Тоа е неопходно за правна поддршка на одбраната на нашата држава и стабилно функционирање на сите структури.
Се разговараше и за предлог-законот за постапката за доделување капацитети на претпријатијата кои беа евакуирани од борбената зона. Предлог-закон со измени на Законот за кривична постапка на Украина, кои се неопходни за соработка со Меѓународниот кривичен суд. Предлог-закон за решавање на правниот режим на привремено окупираните територии.
Разговорот беше суштински и се надевам дека пратениците наскоро ќе ги разработат овие сметки.
Денес разговарав со Премиерот на Холандија Марк Руте. Го информирав за моменталната состојба во областите на воените дејствија и особенодетално за Донбас. Се заблагодарив за силната поддршка за Украина. Ги координиравме следните чекори потребни за заштита на нашата држава и слобода во Европа. Договорено е да се зголеми набавката на тешко оружје, вклучително и оклопни возила.
Разговарав и со Претседателката на Европската комисија Урсула фон дер Лајен. Конкретно, за одбранбените, финансиските и хуманитарните потреби на Украина. Ги забрзуваме процедурите за Украина да може што поскоро да напредува во европските интеграции. Сега, за време на војната, ова напредување и неговата брзина се и елементи за заштита на нашата држава, зачувување на слободата на нашиот народ.
Се повеќе светски компании најавуваат за запирање на нивната работа во Русија. Денес, германската компанија Хенкел им се придружи на стотици други такви големи компании.
Сакам да нагласам дека тоа е неизбежно: секој нормален бизнис ќе мора да донесе таква одлука и да ја напушти Русија. Сега руската држава е на ниво каде секое поврзување со неа и каква било поддршка за неа значи соучесништво во масовни убиства. Соучесништво во она што ќе се нарече злосторство против човештвото и геноцид.
Пред да го снимам обраќањето, го потпишав традиционалниот указ за наградување на нашите бранители. На 286 воени лица на Вооружените Сили на Украина им беа доделени државни награди. Од нив 229 се воeни liцa на 36-та посебна бригада маринци, која заедно со другите единици херојски го брани Мариупол. Максимална благодарност од целиот украински народ до 36-та бригада, Азов, 12-та бригада на Националната гарда на Украина, граничарите, доброволците од Десниот сектор, 555-та воена болница, полицијата и територијалната одбрана.
Вечна слава на сите што застанаа во одбрана на Мариупол, целата наша држава и народот на Украина !!“
