ПРВА ЛИНИЈА
No Result
View All Result
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
No Result
View All Result
ПРВА ЛИНИЈА
No Result
View All Result
Home ЕКОНОМИЈА

Васко Ковачевски: ЕСМ целосно ќе ги задоволи потребите на ЕВН Хоум, Електродистрибуција и МЕПСО во текот на грејната сезона

July 27, 2022 15:14
in ДЕНЕС, ЕКОНОМИЈА
Share on FacebookShare on Twitter

Нашите капацитети се во фаза на подготовка за да имаме сигурно производство на електрична енергија од термоелектраните во текот на грејната сезона, хидропотенцијалот е на 55 проценти од капацитетот или 70 до 80 проценти од просекот во изминатите 10 години и се користи само за одржување на сигурен и стабилен систем во делот на системските и балансните услуги, а во функција го ставаме и ТЕЦ „Неготино“, кој со одлука на Влада веќе е доделен на ЕСМ и како акционерско друштво се припојува кон АД ЕСМ, потврди генералниот директор на АД ЕСМ, Васко Ковачевски.

Тој смета дека целосно ќе ги задоволат потребите на универзалниот снабдувач ЕВН Хоум, потребите за загубите во системот за електродистрибуција и потребите на МЕПСО и порачува дека сите неопходни набави се направени навремено и по поволни цени. За набавка на досега испорачаниот мазут, потврдува, се потрошени околу 25 милиони евра, а за јагленот околу 30 милиони евра.

За грејната сезона, како што изјави Ковачевски, ЕСМ ќе набави околу 1,5 милиони тони јаглен од увоз, во фаза на испорака се 30 илјади тони мазут од пристаништето во Солун за потребите на ТЕЦ „Неготино“, има договор за набавка на вкупно 120 илјади тони мазут кои се обезбедени, а се планира во август да се објави повик за набавка на уште 200 илјади тони мазут за периодот од декември до април. Сега, потенцира тој, пристигнуваат количества јаглен од набавките кои се извршени во март, април и мај за кои се склучени договор, а дополнително ќе се набават нови количества што ќе се испорачуваат од ноември до април. Просечната цена за набавениот јаглен е од 55 до 62 евра по тон, а на берзата во моментов чини од 90 до 120 евра за тон.

– Имаме доволно количини и одговорно може да тврдам дека како држава во моментов набавуваме јаглен со најниска цена во регионот. За набавка на мазут имаме склучено договор уште во март за 140 илјади тони. Од нив досега се испорачани околу 35 илјади тони, а во наредните три месеци треба да се испорачаат уште 105 илјади тони. АД ЕСМ досега стопроцентно ги задоволува потребите за електрична енергија на регулираниот пазар и немаше потреба од набавка на струја од увоз. Доколку во текот на зимата има недостиг на енергија тогаш ќе увеземе, но тоа ќе бидат многу мали количини. Согласно планот за производство се предвидува до април стопроцентно да ги испорачаме сите потреби за енергија за ЕВН Хоум, Електродистрибуција и за МЕПСО, изјави Ковачевски по денешната работна средба во Стопанската комора со Македонската енергетска асоцијација.

Тој нагласи дека РЕК „Битола“ во моментов работи со двата блока – блок 1 и блок 2, а за блок 3 веќе е склучен договор за набавка на нов трансформатор и водено се поправа и стариот. Се очекува во октомври и третиот блок на РЕК „Битола“ да биде ставен во функција.

– Со почетокот на грејната сезона РЕК „Битола“ ќе биде стопроцентно во функција и ќе произведува електрична енергија максимално со трите блокови. РЕК „Осломеј“ во моментов е во застој и се работи на ремонтните активности. Во рок од 60 дена ќе се подготви за функционирање во наредната грејна сезона и се очекува во текот на септември да биде ставен во функција. За двата капацитети работиме на зголемен ископ на сопствен јаглен и во Битола и во Осломеј, паралелно на тоа се извршени набавки и се склучени договори за испорака на јаглен од Грција  и Албанија. Се прават напори за набавка на дополнителни количини на јаглен од Косово, рече Ковачевски.

Паралелно, додаде тој, компанијата се подготвува да менаџира со топлинската енергија во Град Скопје.

– АД ЕСМ со одлука на Влада и со задолжение на УО веќе формира три нови компании за производство, дистрибуција и снабдување со топлинска енергија и очекуваме за 15 дена да бидат подготвени за да аплицираат на јавниот повик и да ги добиеме лиценците и во текот на наредната грејна сезона успешно да се справуваме и со испорачување на топлинска енергија за потрошувачите во Градот Скопје, посочи Ковачевски.

За тоа, како што рече, ќе треба да извршат закуп на капацитетите на топланите „Исток“ и „Запад“ заедно со топланата во „Гази Баба“ со која и во моментов управува ЕСМ. Покрај тоа ќе треба да се вклучи во работа и ТЕ-ТО во делот на топлинската енергија која ја произведува когенеративната електрана за да има стабилен конзум на испорака на топлинска енергија.

– Во моментов се работи на формирање на трите друштва за производство, дистрибуција и снабдување со топлинка енергија. За почеток во нив ќе ангажираме наши вработени во делот на менаџментот и управувањето, а потоа согласно потребите ќе преземеме дел од вработените од БЕГ затоа што се искусни и имаат стекната работно искуство и оперативност во делот на одржувањето на мрежите и на производството. Доколку има потреба, а мислам дека нема да има, за дел согласно Законот за работни области ќе бидат објавени огласи за вработување. Јас сметам дека ќе работиме со далеку помал капацитет на вработени отколку што претходно работеше БЕГ, потенцира Ковачевски./МИА/

ФРОНТЛАЈН Е-БИЛТЕН

ПРЕТПЛАТИ СЕ НА Е-БИЛТЕНОТ НА ФРОНТЛАЈН И ДОБИВАЈ ГИ НАЈНОВИТЕ ВЕСТИ НА ТВОЈАТА Е-АДРЕСА

Check your inbox or spam folder to confirm your subscription.

НАЈНОВО

Фото: Вимблдон ФБ

(ВИДЕО) Ново полуфинале за Алкараз на Вимблдон

July 8, 2025

Кос: Владата во Скопје има историска можност и одговорност да направи решавачки чекор кон ЕУ со спроведување на уставните измени

July 8, 2025

Вајц: Во извештајот многу се зборува за уставните измени, треба да разгледаме забрзување на пристапниот процес

July 8, 2025

НАЈЧИТАНО

  • Голема брзина причина за несреќата во која загинаа Жота и неговиот брат

    0 shares
    Share 0 Tweet 0
  • Силјановска Давкова за извештајот на ЕП: Не сум шокирана, во ЕП седат и претставници на партии што се против самата ЕУ

    0 shares
    Share 0 Tweet 0
  • Што содржи Предлог-извештајот на Вајц за земјава за кој денеска ќе дебатираат членовите на ЕП

    0 shares
    Share 0 Tweet 0
  • Вајц: Во извештајот многу се зборува за уставните измени, треба да разгледаме забрзување на пристапниот процес

    0 shares
    Share 0 Tweet 0
  • Град без визија: Зошто Скопје не смее да падне во рацете на лажен ПР

    0 shares
    Share 0 Tweet 0

© 2023 Frontline.mk

  • ЗА НАС
  • ИМПРЕСУМ
  • ПОЛИТИКА НА ПРИВАТНОСТ
  • МАРКЕТИНГ
  • КОНТАКТ

No Result
View All Result
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
  • ЗА НАС
  • ИМПРЕСУМ
  • КОНТАКТ
  • МАРКЕТИНГ

© 2023 Frontline.mk