Вооружен маж отвори оган кон автобус во близина на Стариот град во Ерусалим рано утринава и рани осум Израелци.
Локални медиуми пишуваат дека постои сомнение дека извршителот е Палестинец, една недела откако избувна насилството меѓу Израелците и милитантите во Газа.
Две од жртвите се во тешка состојба, според израелските болници каде се пренесени повредените. Оган бил отворен кон автобусот додека чекал на паркинг во близина на Западниот ѕид, кој се смета за најсвето место каде Евреите можат да се молат.
Израелската полиција соопшти дека униформирани полицајци биле испратени на местото на настанот за да започнат истрага. Израелските безбедносни сили влегле во блискиот кварт Силван во потрага по осомничениот напаѓач.
Осомничениот и се предал на полицијата. Полицијата засега не соопштува детали за неговиот идентитет. .
Осуммината повредени се израелски државјани. Двајца од нив се во тешка состојба, меѓу кои и трудница со рани во стомакот и маж со прострелни рани во главата и вратот. /МИА/
