Украинскиот претседател Володимир Зеленски денеска изјави дека телефонски разговарал со францускиот колега Емануел Макрон за ситуацијата во нуклеарната централа Запорижје и посочил дека таа треба да се демилитаризира.
Нашата позиција е единствениот начин да ја заштитиме Европа од нуклеарна катастрофа, а тоа е демилитаризирање на електраната, напиша Зеленски на Твитер.
I talked with @EmmanuelMacron by phone. I briefed him on the course of hostilities. I raised the issue of banning visas for Russians. Much time was given to the crisis at #ZNPP. Our position is the only way to protect Europe from a nuclear disaster is to demilitarize the plant.
— Володимир Зеленський (@ZelenskyyUa) September 10, 2022
Нуклеарката Запорижје се наоѓа на левиот брег на реката Днипро во близина на Енергодар и од март е под контрола на руските сили.
Украинската страна ја обвинува руската војска за гранатирање на областа. Москва ги негира овие тврдења, велејќи дека зоната на нуклеарната централа ја напаѓаат украинските сили.
