Американскиот астронаут Волтер Канингам, последниот преживеан член на првата мисија на НАСА која некогаш емитувала телевизија во живо од орбитата, почина на 90-годишна возраст, пренесе Би-би-си.
„Аполо 7“ беше 11-дневна мисија со екипаж во 1968 година, која ја тестираше способноста за емитување во вселената. А, екипата ја доби и наградата Еми за нивното емитување.
Today we mourn the passing of Walt Cunningham: U.S. Marine, patriot, and Apollo astronaut.
Cunningham spent 11 days in low-Earth orbit during Apollo 7, the first crewed Apollo flight, and was instrumental to our Moon landing’s program success: https://t.co/VrXhOwQwYd pic.twitter.com/8uquEjdxM7
— NASA (@NASA) January 3, 2023
Таа го отвори патот за слетување на Месечината со „Аполо 11“ помалку од една година подоцна.
НАСА ја потврди смртта на Канингем и рече дека „тој имал клучен придонес за успехот на програмата на нашето слетување на Месечината“.
Претставник на семејството изјави дека тој починал во болницата во Хјустон во вторникот од природна смрт.
„Би сакале да ја изразиме нашата огромна гордост за животот што го живееше и нашата длабока благодарност за човекот што беше – патриот, истражувач, пилот, астронаут, сопруг, брат и татко. Светот загуби уште еден вистински херој и многу ќе ни недостасува“, соопшти семејството Канингам во изјава споделена од НАСА, американската вселенска агенција.
Канингам е роден во Крестон, Ајова, а магистрирал по физика на Универзитетот во Калифорнија во Лос Анџелес. Додека работел како цивил во тоа време, тој бил еден од тројцата астронаути избрани за првиот вселенски лет со екипаж во програмата Аполо.
Како пилот на лунарниот модул за „Аполо 7“, тој беше придружуван од морнаричкиот капетан Валтер Шира и мајорот на воздухопловните сили Дон Ајзел.
Тој претходно бил во американската морнарица, служел и како маринец, а бил вклучен и во 54 мисии со борбен авион над Кореја.
По пензионирањето од НАСА во 1971 година, тој стана јавен говорник и радио водител.
Извор: Мета.мк
