Вчера попладне во 16.15 часот во близина на Стар мост во Велес, полициски службеници од СВР привеле 42-годишниот А.Ш. и 25-годишниот Р.С. двајцата од Велес. При преглед кај Р.С. биле пронајдени и одземени хероин, амфетамин и дигитална вага, додека при преглед кај А.Ш. била пронајдена и одземена марихуана,информираат од СВР Велес.
Подоцна, со наредба од Основен суд Велес, бил извршен и претрес во домот на А.Ш., при што, исто така, била пронајдена и одземена марихуана. Двајцата биле приведени и по целосно документирање на случајот против нив ќе биде поднесена соодветна пријава,најавија од СВР Велес.
