Полјакот Шимон Марчинијак ќе го суди финалето во Лигата на шампиони во кое на 10 јуни во Истанбул ќе играат Интер и Манчестер сити, објави УЕФА.
За 42-годишниот полски арбитер ова ќе биде ново големо признание, откако во декември лани го судеше и финалето на Светското првенство во Катар меѓу Аргентина и Франција.
УЕФА воедно ги одреди и судиите за финалните натпревари во Лига Европа и Лигата на конференции.
Финалето меѓу Рома и Севиља на 31 мај во Будимпешта за трофејот во Лига Европа ќе го суди Англичанецот Ентони Тејлор, додека за главен судија на финалето во Конференциската лига меѓу Вест Хем и Фиорентина, на 7 јуни во Прага, е одреден Шпанецот Карлос де Гранде.
Финалето во женската Лига на шампиони меѓу Барселона и Волфсбург, кое е на програмата на 3 јуни во Ајндховен, ќе го суди Британката Шерил Фостер.
