– Договорот од Преспа е доказ за тоа колкава е моќта на компромисот. Заедно со тогашниот премиер Алексис Ципрас направивме чекор кој отвори пат за нови перспективи и подобра иднина за двете држави- изјави поранешниот премиер Зоран Заев во интервју за грчкиот “One Chanel”.
Пред пет години храброста и визијата на владите на Атина и Скопје, додава Заев, ставија крај на три деценискиот спор, отворија една нова ера во меѓусебната соработа меѓу двете држави и донесоа регионална стабилност.
Со договорот од Преспа, додава Заев, невозможното стана возможно.
-Покажавме дека преку преку дијалог и дипломатија може да се совладаат конфликтот и поделбите. Покажавме и го ставивме општиот интерес пред сопствениот. Денес Северна Македонија е горда членка на НАТО заедно со Грција со која делиме заеднички вредности за мир и безбедност внатре во алијансата- изјави Заев во интервјуто.
Благодарение на Преспанскиот договор Македонија е денес поблиску до ЕУ, а благодарение на подршката од Грција и остатантите партнери земјава, смета Заев, гради посветла иднина за наредните генерации.
