Кина е подготвена да води преговори со САД на „сите нивоа“, изјави денеска кинескиот потпретседател Ханг Џенг, пред закажаната средба меѓу кинеските и американските лидери Си Џинпинг и Џо Бајден следната недела.
-Неодамнешните состаноци на високо ниво меѓу кинеските и американските претставници испратија „позитивни сигнали“ кои укажуваат на подобрување на билатералните односи. Подготвени сме да ја зајакнеме комуникацијата и дијалогот со САД на сите нивоа, да промовираме корисна соработка, правилно да управуваме со разликите и заедно да се соочиме со глобалните предизвици, рече кинескиот потпретседател Хан Женг во забелешките на Новиот економски форум Блумберг во Сингапур.
Американскиот претседател Џо Бајден рече дека планира да се сретне со кинескиот лидер Си Џинпинг и изрази надеж дека ќе има „конструктивен разговор“ на маргините на самитот на АПЕК (Азиско-пацифичка економска соработка) во средината на ноември во Сан Франциско.
Пекинг се уште не потврдил дека средбата ќе се одржи, но денеска Хан ја повтори изјавата на Си Џинпинг дека односите меѓу Пекинг и Вашингтон се одлучувачки за „иднината на човештвото“.
-Светот е доволно голем за две земји да се развиваат заедно и да бидат просперитетни, рече тој.
